Годишниот извештај за работењето на ДЗР во 2018 година е доставен до Собранието на Република Северна Македонија и истиот е објавен на официјалната WEB страница на ДЗР на три јазици: македонски, албански и англиски

Варшава е домаќин на 28-те раководители на највисоките ревизорски институции (ВРИ) на Европската унија и на Европскиот суд на ревизори кои го формираат Комитетот за контакт. Со Комитетот претседава Претседателот на Врховната ревизорска канцеларија на Република Полска, Кшиштоф Квитковски.

Со цел да обезбедат што повеќе информации и сознанија за моменталната состојба со која се соочуваат ревизорите во ДЗР, кога е во прашање задолжителното вршење ревизија на спроведување на основниот буџет и на буџетите на крајните буџетски корисници, претставниците на СИГМА одржаа еднодневна работилница во Скопје.

Државниот завод за ревизија, како еден од своите стратешки приоритети секогаш ги има државните ревизори и нивните професионални надградби и усовршувања. Затоа, и во месец март продолживме со спроведување на нови теми во насока на реализација на Годишниот план за континуирано усовршување и обуки за 2019 година. 

Заменик претседателот на владата Бујар Османи, задолжен за европските прашања, заедно со делегација на Секретаријатот за европски прашања оствари работна посета на Државниот завод за ревизија на Република Северна Македонија. Притоа разговорите се водеа со делегација на ДЗР предводена од заменик главниот државен ревизор Насер Адеми, а во која беа и Александар Поповски, генерален секретар и Тања Јаневска, ПГДР.