Вести

На барање на претставниците на Светска банка, г. Lars Jessen, специјалист за управување со јавен долг, и г. Mitchell O'Brien, консултант, Главниот државен ревизор м-р Максим Ацевски имаше средба на која се дискутираше за улогата на ревизијата во подобрување на политиките за управување со јавен долг во државата

Денес, во просториите на Државниот завод за ревизија, Главниот државен ревизор м-р Максим Ацевски, во присуство на Заменик главниот државен ревизор м-р Орхан Адеми, им ги врачи решенијата за унапредување на вработените кои се распоредени на работни места „Советник на главниот државен ревизор“ и „Помошник на главниот државен ревизор“, согласно последно објавените огласи за унапредување.

Во периодот 26 - 27 мај 2025 година, претставници на Државниот завод за ревизија, предводени од Главниот државен ревизор м-р Максим Ацевски, учествуваа на годишниот состанок за проектот за соработка со Националната канцеларија за ревизија на Норвешка (NAON), кој се одржа во Осло. Настанот претставуваше продолжение на долгогодишната успешна соработка помеѓу двете институции, со цел заедничка евалуација на постигнувањата и утврдување на приоритетите за понатамошна соработка.

И покрај тоа што дигитализацијата на матичните книги започнала пред повеќе од една деценија, и вложени се над 520 милиони денари, со ревизијата се утврди дека процесот сè уште не е завршен, односно скенирани се 52% од записите, а внесени во електронскиот регистар се 49% од предвидениот обем на активности. Недостатокот на јасна стратегија, контролни механизми и квалификувани човечки ресурси го оневозможуваат подобрувањето на услугите за граѓаните и го зголемуваат ризикот од злоупотреби и губење на податоци од трајна вредност.

Државниот завод за ревизија потпиша Меморандум со проектот „Заедници со интегритет“, поддржан од владите на Швајцарија и Шведска

Главниот државен ревизор, м-р Максим Ацевски имаше средба со г. Умер Ал-Катиб, раководител на Одделот за човекова димензија при Мисијата на ОБСЕ во Скопје на која се дискутираше за продлабочување на соработката меѓу двете институции

Главниот државен ревизор, м-р Максим Ацевски оствари билатерална средба со делегацијата на Судот на ревизори на Кралството Белгија предводена од Претседателот на судот Г-ѓа Флоренс Тис (Florence Thys - Cour des Comptes) посветена на непосредно запознавање со мисијата, целите и работењето на двете Врховни ревизорски институции

Во организација на Меѓународниот одбор на ревизори, делегација на Државниот завод за ревизија предводена од Главниот државен ревизор м-р Максим Ацевски, учествуваше на студиска посета и обука во седиштето на НАТО во Брисел

Управувањето со безбедноста на сообраќајот на патиштата се однесува на нормите, методите и мерките на превенција и санкции што се користат за да се спречат или намалат несаканите последици врз учесниците во сообраќајот