Соопштенија и вести

Доставата на наведените извештаи може да се врши во архивата на Државниот завод за ревизија на адреса ул. Павел Шатев 2 Палата „Емануел Чучков“  во Скопје или електронски на официјалната адреса на Државниот завод за ревизија [email protected]

Не е извршено соодветно евидентирање на имотот на општината и не се преземени активности за запишување на правото на сопственост. Изградбата на локални патишта и улици е без одобрение за градење, реконструкцијата на инфраструктурните објекти е без проектна документација, а распределбата на средствата за култура и спорт не е извршена на транспарентен начин

Делегација на Државниот завод за ревизија предводена од Главниот државен ревизор м-р Максим Ацевски учествуваше на стратешка работилница со која започна процесот за подготовка на новите стратешки документи на ДЗР, со поддршка на Националната канцеларија за ревизија на Норвешка и експерти од INTOSAI Development Initiative (IDI).

Буџетските трансфери за пензии достигнаа 690 милиони евра во 2024 година, а во 2025 година овие трансфери се очекува да го надминат наведениот износ. Стратегијата за стари лица е истечена пред повеќе од пет години, услугите за долготрајна нега се достапни за помалку од 1 отсто од постарите лица, што упатува на сеопфатни системски реформи. Постои ризик од зголемување на социјалната исклученост и дополнително оптоварување на јавните финансии во наредните децении

Настанот обединува претставници на врховните ревизорски институции од регионот и пошироко, како и експерти од СИГМА, УНДП и Европскиот суд на ревизори, со цел размена на искуства и унапредување на ревизорските пристапи во справувањето со предизвиците од климатските промени

Ревизијата е спроведена врз основа на Меморандумот за соработка потпишан во февруари 2024 година и Спогодбата за спроведување на паралелна ревизија од март 2025 година, во согласност со Насоките за спроведување на кооперативни ревизии GUID 9000.

Со ревизијата е утврдено дека и покрај долгогодишното спроведување и остварениот напредок во планирањето и реализацијата на програмите за скрининг, во услови на ограничени буџетски средства, сè уште не обезбедуваат доволна покриеност на целната популација, ниту навремена дијагностика, во обем што би овозможил системско потврдување на нивниот придонес кон раното откривање на малигните заболувања и намалувањето на морталитетот. Податоците покажуваат дека кај над 80% од пациентките со рак, лекувањето започнува во подоцнежни стадиуми

Според најновите податоци од Извештајот на Државната комисија за спречување на корупцијата за 2025 година, ДЗР по трет пат по ред се наоѓа на врвот на листата на институции со највисок степен на имплементација на системот за интегритет

Јавното претпријатие Колекторски систем-Скопје во 2024 година фактурирало само 33% од испуштената пречистена вода, а со акумулирани обврски од 493.108 илјади денари односно повеќе од 8 милиони евра и блокирана сметка од неговото основање, претпријатието се соочува со сериозни финансиски предизвици, намалена ликвидност и ризици за одржливоста на работењето