dzr
ДРЖАВЕН ЗАВОД
ЗА РЕВИЗИЈА
ЧУВАР НА ЈАВНИТЕ СРЕДСТВА

Билатерална средба со Главниот ревизор на ВРИ на Албанија

29.06.2022
Слика
Билатерална средба со Главниот ревизор на ВРИ на Албанија

Делегација на Државниот завод за ревизија предводена од Главниот државен ревизор м-р Максим Ацевски и Заменик главниот државен ревизор м-р Орхан Адеми, оствари работна средба со Главниот ревизор на Врховната ревизорска институција на Република Албанија, д-р Арбен Шеху.

Целта на посетата беше интензивирање и зајакнување на билатералната соработка и подготвеноста и желбата за размена на искуства и конкретни активности од заеднички интерес за двете институции во областа на надворешната ревизија на јавниот сектор и управувањето со јавните средства.

Посебен осврт во текот на средбата се даде на транспарентноста на работата на двете институции, начинот на споделување на информациите во јавноста, а воедно споделувајќи искуства за начинот и соочувањето со предизвиците при вршење на ревизии од области од заеднички интерес и тоа справувањето со: кризни состојби, пожари, поплави, пандемии, ревизија на јавниот долг и ревизија на единиците на локалната самоуправа и на политичките партии.

Дополнително, соговорниците се согласија соработката во различни области на ревизијата дополнително да се зајакне во наредниот период со цел размена на знаења и искуства од областа на државната ревизија и зголемување на знаењата и вештините на вработените.