Државниот завод за ревизија започна со активности за подготовка на Годишната програма за работа за 2026 година и ги повикува сите засегнати страни да достават барања и предлози за субјекти и области од јавен интерес кои сметаат дека треба да бидат опфатени во програмата.
Годишната програма за работа на ДЗР за 2026 година ќе биде доставена до Собранието на Република Северна Македонија најдоцна до крајот на месец декември, заради информирање.
При утврдувањето на приоритетите, ДЗР ги почитува критериумите уредени согласно професионалните стандарди на ИНТОСАИ, Целите за одржлив развој на ОН, Националната развојна стратегија 2024–2044, како и стратешките определби утврдени во Стратешкиот план за ревизија 2024–2027.
Како општествено одговорна институција, ДЗР е препознатлива по високото ниво на транспарентност, професионалност и интегритет, и останува посветена на унапредување на одговорното и отчетно управување во јавниот сектор.
Краен рок за доставување: 1 декември 2025 година
Барањата можат да се достават:
• Во писмена форма на адреса: ул. „Павел Шатев“ бр. 2, Палата „Емануел Чучков“
• Електронски преку веб-формуларот: https://dzr.mk/contact/barane_za_revizija