Вести

Termoelektranat, si prodhuesit më të mëdhenj të energjisë elektrike, por edhe ndotësit më të mëdhenj që duhet të mbyllen deri në vitin 2030, ende nuk kanë zëvendësim të përshtatshëm, pasi SHA ESM nuk ka ndërtuar kapacitete të reja prodhuese. Për më tepër, çmimi i prodhimit të energjisë elektrike nga SHA ESM është më i ulët se çmimi i shitjes te furnizuesi universal, gjë që rezulton me funksionim me humbje dhe vë në pikëpyetje reformën dhe tranzicionin e gjelbër. Nga ana tjetër, SHA MEPSO përballet me kërkesa për lidhje në rrjetin e transmetimit të cilat nuk mund t’i aprovojë nga aspekti teknik. Për më tepër, projekti për ndërtimin e linjës së transmetimit 400 kV drejt Shqipërisë në kuadër të Korridorit 8, si projekt rajonal i Komunitetit Energjetik, i nisur në vitin 2015, është në ngecje

Me revizionin e kryer të raportit financiar dhe revizionin e pajtueshmërisë të MASH për vitin 2023, janë konstatuar dobësi në menaxhimin e investimeve kapitale, objekte të papërfunduara dhe pranime teknike të parealizuara, si dhe përdorim joadekuat i mjeteve për tekstet shkollore për arsimin fillor, si dhe kërkesa të paarkëtuara në bazë të kredive studentore, të vjetra më shumë se një dekadë

Organe kompetente në shtet duhet të marrin masa dhe aktivitete shtesë për të ballafaquar ndryshimet klimatike, për shkak se, ndër të tjera, mungon një strukturim i qartë institucional, koordinim dhe komunikim midis palëve të përfshira në procesin e ndryshimeve klimatike, dhe Plani Kombëtar për përshtatjen ndaj Ndryshimeve Klimatike nuk është miratuar

Pronësi e papërcaktuar mbi të dhënat, mungesë e politikave të sigurisë, përdorim i sistemeve operative të vjetruara, aksess VPN me fjalëkalime të përbashkëta dhe pa autentikim të dyfishtë (verifikim), si dhe kopjeruajtje (kopje rezervë) të pa përditësuara dhe integrim i pamjaftueshëm i moduleve – janë vetëm pjesë e dobësive të identifikuara që dëmtojnë sigurinë, disponueshmërinë dhe saktësinë e të dhënave financiare. Mungesa e kontroleve sistematike dhe e burimeve njerëzore me aftësi përkatëse rrit rrezikun nga aksesi i paautorizuar, dështimet teknike dhe proceset jofunksionale në institucionet përdoruese të sistemit."

Revizioni i suksesit na tregon se masat dhe aktivitetet e institucioneve nuk sigurojnë mbështetje, mbrojtje dhe riintegrim të përshtatshëm dhe efektiv për gratë viktima të dhunës në bazë gjinore dhe dhunës në familje. Sistemi i mbrojtjes është akoma i pazhvilluar, ndërsa numrat për viktimat dhe autorët e veprave penale në lidhje me dhunën në familje tregojnë një vazhdimësi shqetësuese, pa përmirësim të gjendjes. Në vitin 2023, burrat kanë qenë dhjetë herë më shumë kryes të veprave penale sesa gratë, ndërsa gratë viktima kanë qenë katër herë më shumë se burrat. Kjo gjendje tregon se detyrimet nga Konventa e Stambollit mbeten të paplotësuara

Me revizionin e kryer u konstatua se vetëm 13,46% e institucioneve shtetërore të lidhura me platformën e ndërveprueshmërisë i përdorin të dhënat nga Regjistri Qendror i Popullsisë, ndërsa te kompanitë private kjo përqindje është thuajse trefish dhe arrin 36,36%. Për më tepër, mungesa e kontrolleve sistematike për shkëmbimin e të dhënave midis institucioneve tregon për rrezik të shmangies së rregullave për përdorimin e regjistrit unik, gjë që vë në dyshim sigurinë e të dhënave personale të qytetarëve

NP për menaxhimin me pyjet shtetërore ,,Pyjet Kombëtare’’ p.o. – Shkup në vitin 2023 realizoi vetëm 66% të vëllimit fizik të planifikuar të prodhimit të drurit teknik dhe drurit për ngohje. Me detyrime të akumuluara në shumë prej 1.074.644 mijë denarë, përkatësisht rreth 17,5 milionë euro, dhe me varësi të vazhdueshme nga kredia afatshkurtër rrotulluese për pagesën e pagave, ndërmarrja përballet me vështirësi serioze financiare, likuiditet të zvogëluar dhe rreziqe për qëndrueshmërinë e funksionimit

Inteligjenca artificiale është një prioritet global sot, por në shtetin ende nuk ka kornizë ligjore, strategji kombëtare apo koordinim institucional për zbatimin e saj. Nga viti 2012, Fondi për Inovacion dhe Zhvillim Teknologjik ka bashkëfinancuar 48 projekte të IA në vlerë prej 6.1 milionë euro, por për shkak të transparencës së pamjaftueshme, publicitetit të dobët dhe mungesës së qasjes sistematike, asnjë nga këto projekte nuk është zbatuar në sektorin publik

Revizioni i Shoqërisë për ndërtimin, menaxhimin dhe dhënien me qira të sallës shumëfunksionale "Boris Trajkovski" për vitin 2023 konstatoi objekte dhe pajisje jofunksionale, Parku Akua të mbyllur, pasiguri lidhur me të ardhmen e sistemit diellor dhe mundësi të humbura për të ardhura shtesë.