На покана на Амбасадата на Швајцарија во државата, Главниот државен ревизор м-р Максим Ацевски присуствуваше и се обрати на вчерашната церемонија во чест на стипендистите на Швајцарската стипендиска програма, која се спроведува во рамките на Програмата за парламентарна поддршка во која активно учествуваат и се дел и вработени од Државниот завод за ревизија.
Со воведни обраќања и честитки за стипендистите на настанот се обратија Н.Е. Вероник Улман, Амбасадор на Швајцарија во државата, г-ѓа Марина Димовска, Генерален секретар на Собранието на Република Северна Македонија и Главниот државен ревизор м-р Максим Ацевски.
Главниот државен ревизор м-р Максим Ацевски ја потенцираше заложбата на Државниот завод за ревизија како Врховна ревизорска институција со високо оценет интегритет и професионалност, која постојано вложува во унапредувањето и зајакнување на капацитетите на своите вработени, претставувајќи кредибилен извор за поддршка на корисни промени во јавниот сектор.
Програмата финансиски ја поддржува собраниската служба во нејзиното стручно усовршување од 2018 година, а од 2023 година е наменета и за вработените на Државниот завод за ревизија. Изминатите 6 години, финансиски се поддржани 41 вработен и тоа за академски студии, јазични курсеви, обуки за човечки ресурси, маркетинг, јавни набавки и информатички курсеви.
