Me ftesë të Ambasadës së Zvicrës në vend, Kryerevizori shtetëror mr. Maksim Acevski mori pjesë dhe iu drejtua ceremonisë së djeshme për nder të bursistëve të programit të bursave zvicerane, e cila zbatohet në kuadër të Programit për Mbështetjen Parlamentare në të cilin marrin pjesë dhe bëjnë pjesë në mënyrë aktive punonjësit e Entit Shtetëror të Revizioni.
Me fjalime hyrëse dhe urimet për përfituesit e bursave iu drejtuan Ambasador i Zvicrës në vend, Sh.s. Veronik Ullman, znj. Marina Dimovska, Sekretare e Përgjithshme e Kuvendit të Republikës së Maqedonisë së Veriut dhe Kryerevizori shtetëror mr. Maksim Acevski.
Kryerevizori shtetëror mr. Maksim Acevski e theksoi përkushtimin e Entit Shtetëror të Revizionit si Institucion Suprem i Revizionit me integritet dhe profesionalizëm të vlerësuar, i cili vazhdimisht investon në avancimin dhe forcimin e kapaciteteve të punonjësve të saj, duke përfaqësuar burim të besueshëm për mbështetjen e ndryshimeve përfituese në sektorin publik.
Programi mbështet financiarisht shërbimin parlamentar në zhvillimin e tij profesional që nga viti 2018, ndërsa nga viti 2023 është i destinuar edhe për punonjësit e Entit Shtetëror të Revizionit. Gjatë 6 viteve të fundit, 41 punonjës janë mbështetur financiarisht për studime akademike, kurse gjuhësore, trajnime për burime njerëzore, marketing, prokurime publike dhe kurse të informatikës.
