Me ftesë të Kryetarit të Komisionit për buxhet dhe financim, Bojan Stojanoski, Kryerevizori shtetëror, mr. Maksim Acevski morri pjesë në Komisionin për buxhet dhe financim në Kuvend.
E vetmja pikë në rendin e ditës të Komisionit për financim dhe buxhet ishte shqyrtimi i Raportit përfundimtar i revizionit të kryer të raporteve financiare dhe revizionin e pajtueshmërisë së ISHP Klinika Universitare për Radioterapi dhe Onkologji Shkup, për vitin 2021.
Shqyrtimi dhe diskutimi i raportit përfundimtar individual të revizionit në Komisionin për Financim dhe Buxhet si trup amë në Kuvend, realizohet si aktivitet për herë të parë në historinë e Kuvendit, dhe buron nga Memorandumi i nënshkruar për bashkëpunim ndërmjet Entit Shtetëror të Revizionit dhe Kuvendit të RMV-së në të cilin parashihet shqyrtimi i raportit përfundimtar individual i revizionit të ESHR-së.
Në raportin përfundimtar të revizionit të publikuar për llogarinë e mjeteve nga Fondi (737) është shprehur mendim i pavolitshëm në lidhje me vërtetësinë dhe objektivitetin e raporteve financiare, si dhe për pajtueshmërinë e transaksioneve financiare me rregullativën ligjore relevante për vitin 2021.
Pas diskutimeve disaditore, Komisioni për buxhet dhe financim miratoi konkluzione pas debatit për raportet e ESHR-së për Onkologjinë të cilat japin udhëzime për veprimet e institucioneve kompetente, duke sugjeruar se është e nevojshme Ministria e Shëndetësisë në bashkëpunim me Ministrinë e Financave ti sigurojnë mjetet e nevojshme për realizimin e aktiviteteve të përcaktuara dhe ti shlyejë detyrimet ndaj Institucioneve Shëndetësore Publike.
Kuvendi u bën thirrje personave përgjegjës për udhëheqje dhe menaxhimin me ISHP Klinikës Universitare për Radioterapi dhe Onkologji, të marrin masa për përgatitjen dhe miratimin e protokolleve mjekësore për kyçje të pacientëve me terapinë biologjike. Kyçja të bëhet ekskluzivisht në bazë të mendimit të kolegjiumit të ekspertëve, i cili ka detyrim të përcaktojë nevojat reale dhe t'ia propozojë drejtorit të klinikës i cili në bashkëpunim me Ministrin e Shëndetësisë dhe Fondit për sigurim shëndetësor, sigurimin e mjeteve të nevojshme financiare për prokurimin e të njëjtëve.
Gjithashtu, Kuvendi i rekomandon Ministrisë së Shëndetësisë që të paraqesë detyrimin e Institucioneve Shëndetësore Publike për të siguruar informacione për pajisjet që janë prokuruar, por nuk janë vënë në përdorim, duke theksuar arsyet e një situate të tillë dhe në koordinim me organet kompetente të marrin masa për vënien e tyre në përdorim.
