Me qëllim të thellimit të bashkëpunimit dhe përmirësimit të rolit të Entit Shtetëror të Revizionit në sigurimin e transparencës dhe llogaridhënies në punën e institucioneve shtetërore, Kryerevizori shtetëror mr. Maksim Acevski zhvilloi takim pune me Presidenten e Republikës së Maqedonisë së Veriut, znj. Gordana Siljanovska-Davkova.
Takimi, i cili u zhvillua në Villa Vodno, iu kushtua rezultateve të deritanishme të Entit Shtetëror të Revizionit dhe përcaktimit të strategjive që do të udhëheqin zhvillimin e mëtejshëm të tij.
Theksi kryesor u vu në rëndësinë e revizioneve e një mjedisi kontrolli të qëndrueshëm dhe të përgjegjshëm. Aktivitetet e ardhshme të ESHR-së do të jenë të orientuara drejt forcimit edhe më tej të efikasitetit të revizionit të fondeve publike, si dhe drejt forcimit të llogaridhënies institucionale dhe transparencës në punën e institucioneve shtetërore. Qëllimi ynë është të përmirësojmë proceset e revizionit dhe të krijojmë një ambient më efikas dhe transparent, ku çdo financim publik do të jetë në interes të qytetarëve", theksoi z. Maksim Acevski, Kryrevizor shtetëror.
Në këtë kontekst, ai theksoi se është i rëndësishëm miratimi i Ligjit të ri për revizionin shtetëror i cili përmirëson ndjeshëm kapacitetin operativ dhe financiar të Entit Shtetëror të Revizionit. Me ligjin e ri, ESHR-së i jepet më shumë pavarësi në punën e saj, duke i mundësuar asaj të rrisë efikasitetin në revizionin e fondeve publike dhe të ketë një rol më të fortë në sigurimin e transparencës dhe llogaridhënies në punën e institucioneve shtetërore.
Presidentja e Republikës së Maqedonisë së Veriut, znj. Gordana Siljanovska-Davkova, shprehu impresionim për qasjen e thelluar, profesionale dhe të specializuar të ESHR-së në ushtrimin e kompetencave të saj, që e llogarit ndër organet shtetërore më të respektuara brenda, por dhe jashtë vendit. Ajo shprehu mbështetje të veçantë për qasjen sistematike dhe transparente në punë, duke sugjeruar nevojën e menaxhimit ligjor dhe familjar të të mirave dhe fondeve publike, si dhe sanksionimin e procedurave të paligjshme. Në këtë kontekst, Presidentja konfirmoi mbështetjen e saj për Ligjin për revizionin shtetëror dhe nevojën për të garantuar statusin kushtetues të ESHR-së, duke theksuar rolin jetik të ESHR-së në sigurimin e transparencës dhe llogaridhënies në punën e organeve shtetërore.
Takimi ishte një tjetër konfirmim i përkushtimit të institucioneve për vazhdimin e përpjekjeve për përmirësimin e sektorit publik, me qëllim rritjen e besimit të qytetarëve në punën e organeve shtetërore.
