Државниот завод за ревизија (ДЗР) организира прес-конференција која ќе се одржи на ден 28.11.2019 година (четврток), со почеток во 12,00 часот во просториите на ДЗР. Прес-конференцијата се свикува по повод заглавениот избор на Главен државен ревизор, ситуација со која ДЗР, како Врховна ревизорска институција, е соочена со блокада при извршувањето на законски дадениот мандат – вршење контрола на трошењето на јавните буџетски средства.

Вработените во Државниот завод за ревизија Ви се обраќаат со цел да информираат за неповолната состојба во која се наоѓа институцијата и да иницираат поддршка за побрзо решавање на проблемот со кој се соочува веќе подолг период.

Под покровителство и во организација на СИГМА, Државниот завод за ревизија беше домаќин на работилницата на која учествуваа претставници на Врховните ревизорски институции на земјите кандидати и потенцијални кандидати за членство во Европската унија.

Согласно „Годишниот план за континуирано професионално усовршување во 2019 година“ во Клубот на пратениците во Скопје беше одржана дводневна обука на која присуствуваа 32-ца вработени во Државниот завод за ревизија.

Во периодот од 23 до 28 септември главниот град на Руската федерација, Москва е домаќин на 23-от по ред Меѓународен конгрес на Врховните ревизорски институции (INCOSAI).