dzr
ДРЖАВЕН ЗАВОД
ЗА РЕВИЗИЈА
ЧУВАР НА ЈАВНИТЕ СРЕДСТВА

Родовата еднаквост тема на регионалниот состанок

14.07.2022
Слика
Родовата еднаквост тема на регионалниот состанок

Главниот државен ревизор м-р Максим Ацевски заедно со своите соработници, учествуваа на регионален состанок во Бања Лука, Република Српска, на кој претставници имаа и Врховните ревизорски институции на Република Албанија, Република Босна и Херцеговина и Република Србија.

Целта на одржаниот регионален состанок е да се разменат мислења и искуства на претставниците на Врховните ревизорски институции за можностите за подготовка и спроведување на паралелна регионална родова ревизија со главен фокус на имплементација на Петтата цел за одржлив развој на Обединетите Нации – Родова еднаквост.

Преку спроведување на паралелната ревизија за тоа како институциите во државите ги имплементираат Целите за одржлив развој, односно Петтата цел за родовата еднаквост, Врховните ревизорски институции можат да придонесат за подобрување на животот на различните групи жени, мажи и маргинализирани луѓе.

Државниот завод за ревизија успешно ја спроведе првата ревизија која се фокусира на темата за родовата еднаквост и го објави конечниот ревизорски извештај за извршената ревизија на успешност на тема „Ефективност на мерките на Владата на РСМ за родова еднаквост и соодветни родови буџетски иницијативи“.

Регионалниот состанок се организираше во координација на регионалните канцеларии на UN Women, каде свој претставник имаше и Канцеларијата на UN Women во Скопје.

Линк од конечниот ревизорски извештај:

https://dzr.mk/sites/default/files/2022-07/RU_Efektivnost_merki_Vlada_rodova_ednakvost_11_07_2022_F.pdf